МСМ Групп Герман улсын нэр хүндтэй Paulaner брэндтэй хамтран дэлхийн хамгийн алдартай шар айргийн баяр Октоберфест-ийг Монголд анх удаа зохион байгуулах гэж байна.

Энэхүү арга хэмжээ нь нийслэлийн зүрхэнд, Аса циркийн гадна талбайд 2025 оны 8-р сарын 27-ны өдрөөс 9-р сарын 2-ны өдрийг дуустал долоо хоногийн турш үргэлжлэх бөгөөд жинхэнэ Баварийн уур амьсгал, амьд хөгжим, амтат хоол, шинэхэн шар айргаар зочдоо угтах болно.

Баярын үеэр дараах онцлох үйл явдлуудыг мэдрэх боломжтой:

• Мюнхен хотоос ирсэн Bavarian амьд хөгжмийн хамтлагийн тоглолт
• Германаас ирсэн шинэхэн Paulaner шар айраг
• Бавари уламжлалт хоол, зууш,претцел, герман зайдас гэх мэт олон зүйлс багтсан.
  
  Түүнчлэн 28 жилийн түүхтэй Монголын Chinggis брэнд энэ жилийн Paulaner Oktoberfest-ийн албан ёсны хамтрагчаар оролцоно.
  
  Пауланер – Жинхэнэ Мюнхений амт

1634 онд Мюнхенд Пауланерийн шашны бүлгэмийн гэлэн нарын үүсгэн байгуулсан Пауланер шар айраг нь 400 жилийн турш шар айргийн урлагийг төгөлдөржүүлсээр иржээ. Paulenar шар айргийг Баварийн 1516 онд тунхагласан Reinheitsgebot (Райнхайтсгебот) буюу шар айраг нэрэх стандартын дагуу зөвхөн ус, буудай, арвай, хөрөнгө гэсэн 4 төрлийн орцоор нэрдэг бөгөөд нэмэлт бодисгүй цэвэр шар айраг юм.

Октоберфестийн түүх

Анх 1810 онд Баварийн хунтайж Людвиг болон гүнж Терезегийн хуримын баяраар эхэлсэн Октоберфест нь өнөөдөр жил бүр 6 сая гаруй зочин хүлээн авдаг дэлхийн хамгийн том шар айргийн баяр болон хөгжжээ. Үндэсний хувцас, амьд хөгжим, уламжлалт хоол, баярын уур амьсгал гээд бүхнийг нэг дор багтаасан энэхүү арга хэмжээг дэлхийн өнцөг булан бүрээс хүмүүс зорин ирдэг. Та ч бас уг гайхалтай баярын уур амьсгалыг амжиж мэдрээрэй.

Тасалбар худалдаанд гарлаа

Paulaner Oktoberfest-2025-ийн тасалбар худалдаанд гарлаа.

📅 Хугацаа: 2025 оны 8-р сарын 27 – 9-р сарын 2

📍 Байршил: Аса циркийн гадна талбай

Тасалбар худалдан авах: https://www.portal.mn/